Alexis Sanchez dhe Oxlade Chamberlain mund të largohen nga Arsenali

14:29 | 17 Gusht 2017
Arbresh Info

Arsene Wenger ka pranuar përfundimisht se Alexis Sanchez mund të shitet te Manchester City para se të mbyllet merkato e transferimeve.

Madje, trajneri i Arsenalit nuk garanton që Alex Oxlade Chamberlain nuk do t’i bashkohet kampionit në fuqi të Premierë Ligë – Chelseat, transmeton portali arbresh.info.

Trajneri i “Topçinjve” ka qenë i vendosur gjatë gjithë verës që yjet e tij nuk do të shiten te rivali i tyre në Premierë Ligë.

Por, i pyetur nëse është 100 për qind i sigurt që Sanchez, Oxlade Chamberlain dhe madje edhe Mesut Ozil do të qëndrojnë në Emirates përtej 31 gushtit, Wenger u përgjigj: “100 për qindëshi nuk ekziston në punën tonë”

Manchester City ka monitoruar sulmuesin kilian Alexis Sanchez gjatë gjithë verës dhe pritet të rris ofertën e tyre në 60 milionë për të siguruar shërbimet e tij./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm